JA Indien u SAAMSTEM met die voorgestelde betwisting1 om die hertipifisering ongeldig te verklaar, en om NIE die vervanging van die Afrika-tipe (Acacia nilotica) met ’n Australiese tipe (Acacia penninervis) te AANVAAR NIE, d.w.s. u stem saam dat die naam Acacia vir die ware akasias van tropiese Afrika, Amerika en Asië behoue moet bly.
NEE Indien u NIE met die voorgestelde betwisting om die hertipifisering ongeldig te verklaar SAAMSTEM NIE, maar die vervanging van die Afrika-tipe (Acacia nilotica) met ’n Australiese tipe (Acacia penninervis) AANVAAR, d.w.s. u stem saam dat die ware akasias van tropiese Afrika, Amerika en Asië nie langer Acacia genoem sal kan word nie.

1 Tegnies sal die bewoording van die betwisting neerkom op die verwerping van die Acacia-inskrywing (hieronder) by die volgende Internasionale Botaniese Kongres (IBK) in Melbourne in 2011.

"Acacia Mill., Gard. Dict. Abr. ed. 4: [25]: 28 Jan 1754. [Legum.]. Typus: A. penninervis Sieber ex DC. (typ. cons.)". Internasionale Kode vir Botaniese Nomenklatuur (Wene, 2006).

Deur JA te stem beskou u die insluiting in die Wene-Kode (2006) van hierdie Acacia-inskrywing as teenstrydig met die reëls wat deur die Nomenklatuurseksie in Wene aanvaar is. Dit is teenstrydig omdat die skielike vereiste van ’n 60% meerderheidstem om die hertipifiseringsvoorstel te verwerp nie in ooreenstemming met die gebruiklike stemprosedure was nie (naamlik ’n 60% meerderheid om die Kode te verander en ’n gewone 50% meerderheid vir alle ander sake). Om hierdie rede is die Acacia-inskrywing in die Wene-Kode ongeldig en moet dit uit die kode wat na afloop van die Melbourne IBK gepubliseer gaan word, weggelaat word.